O le aso na tatala aloa'ia ai faitoto'a ma fa'aulufale ai le malumalu o le Ekalesia Metotisi i Saletagaloa Salelologa, Savai'i.
O le malumalu a le Ekalesia na amataina le galuega i le tausaga i le tausaga na te'a nei 2023 i le masina o Aperila.
O le Aso Lua na amata ai fa'atua ma Ta'alolo a le nuu i paolo ma gafa, ma fa'asolo mai ai le Aso Tofi e pei ona iai fa'amoemoe a le Matagaluega a Saletagaloa ae na fa'aiu i le po siva ma le tausala.
O le taeao nei sa tatalaina ai ma fa'apa'ia le malumalu e le susuga i le Peresetene Aoao o le Ekalesia Metotisi i Samoa ma le Lalolagi ai Rev Faulalo Ieti.
O le tala o le galuega na saunoa iai le susuga i le tausi Matagaluega ia Rev Tauinaola.
Na afua mai le galuega ina ua faatonuina i le faamati 2018, o le fono faalekuata ia Mati i le 2019 na fono ai le Matagaluega i lea faamoemoe peitai e lei maua se tasi ma toe moe ai le toa. Ae peitai na toe fono i le aso Sa 7 Aperila 2019 na toe fono ai le Matagaluega ma malilie ai e faatino se sailiga aua le galuega.
O le Aso Gafua 24 Aperila 2023, o le aso lea sa fa'avaeina ai le galuega ma sa fa'akonekarate lona fa'atinoina.
O le umi na fa'atino ai le galuega e 9 masina e pei ona fa'aulufaleina i le Aso Faraile 19 Ianuari 2024.
E to'a 30 matafale a le Ekalesia lenei i Saletagaloa sa amataina mai le galuega o le Falesa Fou mo le Ekalesia i Salelologa.
O le tau aofa'i a le galuega e aofia ma aitalafu i lona fa'atotogaina ma isi vaega o le maota o le Atua e $1,470,098.32.
I le tala o le tupe o le galuega e pei ona faailoa e le fa'afeagaiga, e tusa ma le $493, 276.54 le aitalfu a le Ekalesia mo le fa'atinoina o lenei galuega tele.
Comments