105 tausaga o le Sulufaga a le tinā o Maria Fātima i Samoa.

15 Oketopa 2022

O le afiafi o le aso Tofi 13 Oketopa 2022 na faia ai se sauniga ole fa'amanatuina o le 105 tausaga o le fa'aaliga na maua e le tinā ‘o Fātima i le tausaga e 1917 i le laumua o Potukale ‘aemaise ‘o le fa'amanatuina o le vāvega ua fa'aigoina o le Vāvega o le Lā po’o le Sulufaga 'o le tinā o Māria Fātima.

I totonu lava ia o le laumua o Pokukale ‘e pei ‘ona ‘amata mai ai lenei vāvega iā Māria Fātima, e silia ma le 700 afe o tagata e potopoto ai ma faia ai sauniga o le taulaga o le Misasā pa'ia.

O lenei sauniga na ‘amata i le sauniga o le taulaga o le Misasā i le Falesā i Mulivai ona fai atu lea o le savali tele aga'i atu i luma o le maota fono a Sāmoa i Mulinu'u.

O se sauniga e masani lava ona fa'ataunu'uina i tausaga ta’itasi i le aso 13 o Oketopa 2022 ma e fa'amanatuina ‘e le Ekalesia Katoliko i le lalolagi ’ātoa.

O le aso fo'i lea e fa'amanatuina ai i totonu o Sāmoa e pei fo'i ona iai le Aso Tofi 13 Oketopa 2022, o lea sauniga na ta'ita'ia lea ‘e le afioga ile ‘Aki’epikopō ole Pule’aga Apia ia Alapati Lui Mata'eliga ma lana pule'aga fa'a ‘Aki’epikopō.

PC: Facebook User