top of page

2.4% pasene le meaalofa a le NPF mo fai saofaga uma auā tapenaga o fanau a'oga.


O le aso 10 o Ianuari i le Itula e 3am i le vaveao, na tatala aloa'ia ai 'au'aunaga tafa'ilagi a le Fa'aputuga Tupe mo le Lumana'i Manuia o Tagata poo le NPF, aua le talaina o mea'alofa a le au fai saofaga e tusa o le 2.4%.


I le fono mulimuli a le Palemene i le tausaga na tuana'i nei, na fa'asilasila ai aloa'ia e le Minisita o le Matagaluega o Tupe ia Lautimuia Uelese Va'ai, le meaalofa lenei mo le atunu'u ma e agava'a ai soo se tagata faisaofaga.


O le fa'amoemoe o lea tupe, ina ia fesoasoani ai i matua ma aiga i le tapenaina o alo ma fanau i aoga aemaise o fa'amoemoe amata o le tausaga.


O le itula e 3am i le vaveao o aso ta'itasi mai le aso 10 o Ianuari se'ia iai se isi fa'asilasilaga o le 'a tatala ai nei 'au'aunaga ma e tapunia i le itula e 4pm i le afiafi.


Ua fautuaina ai e le Pulega ma le Komiti Fa'afoe a le NPF le aufai saofaga uma ina ia fa'aaogaina lenei auaunaga po'o le NPF PORTAL.

962 views
bottom of page