E 22 tausaga le matua o se taule'ale'a mai i afio'aga o Vaiusu ma Ululoloa na maua atu lona tino i Tuna'imato i le fa’ai’uga o le vaiaso ua tuana’i, na logoina e se tasi o Ofisa i Tuana'imato le Ofisa o Leoleo ma na aga'i atu iai le Ofisa ma maua ai ua uma lona soifua na pule i lona soifua.
E le'i maua ni fa'amatalaga au'ili'ili i mafua'aga o le fa'atino ai e lenei taule'ale'a o lea gaioiga.
E tusa ai ma fa'amaumauga a le Matagaluega a Leoleo mo le vaiaso ua tuana'i e na'o le pau lea o le mata'upu tau i pule o le soifua ma se mata'upu i se isi na taumafai e pule i le soifua.
I fa'amaumauga lava a le Matagaluega o Leoleo, le si'itia maualuga ai lea o le numera o tagata Samoa ua fano ola ona o le Pule i le Soifua.
I le saunoaga a le afioga i le sui Komesina a le Matagaluega o Leoleo ia Papali'i Monalisa Keti, na fa'ailoa ai o le tausaga o tagata o lo'o a'afia ma fano ola i nei gaioiga; o lo'o maualuga lea i le va o le 20 ma le 30 tausaga le matutua.
O mata'upu o lo'o maitauina e le Matagaluega e tusa ma a latou famaumau i ni mafua'aga o le tula'i mai pea o nei mata'upu; o ni mata'upu lava ia fa'aloto'ifale.
O se popolega fo'i lenei ua iai nei i le Matagaluega 'ona o lea fuainumera ua fa'amauina pe'a fa'at
usa atu i le tausaga ua mavae ma le fuainumera ua fa'amauina i lenei tausaga.
________________________________________________________________________
Afai ua e silafia pe tau masalomia se isi o lo’o iai i se tulaga lamatia ona o ni mata’upu tau pule i le soifua po’o ni fa’alogona fo’i ua o’o ia te ‘oe le le mautonu; ia e talanoa i se tagata e te fa’atuatuaina po’o le feso’ota’i laina o lo’o ta’ua i lalo mo se fesoasoani.
Fa’ataua Le Ola(Life Line): 840-5433
Logopuiali’i Samoa Youth Org-Counselling Service: 7559946
Comments