top of page

27 'au o le'ā tauva ile Tauvaga 'ale Toa i lenei aso.



O le Aso lenei Aso Faraile 21 Oketopa 2022 o le'ā faia ai se tauvaga fa'avaomālō 'a le Toa muamua talu ona toe tatala tuā'oi fa'avaomalo a Sāmoa i le māsina o ‘Aukuso 2022.


O le tauvaga lenei ua fa'aigoina o le TOA COMPETITION 'o se ta'aloga fa'amālositino o lo'o tu'ufaatasia lea 'ele faletoleni o le Crossfit Fatutoa.



'Ua 'atoa nei le 7 o tausaga talu ona faia lea tauvaga aemaise o le faletoleni lenei o le Crossfit Fatuatoa i Vaitele, ma o se tulaga lea 'ua si'itia ai fo'i male numera o 'au ua mafai ona resitala e tauvā i lea tauvaga.


Ua lē gata ina maua le avanoa mo 'au lava i Samoa nei, ae olea fo'i ua maua ma le avanoa mo 'au ma tagata ta'ito'atasi mai i atunu'u i fafo.


O le manulautī o lenei tauvaga 'ina ia mafai lava ona fa'alauiloa le ola mālōlōina o tagata ma le taumafa i mea'ai pāleni e pei ‘ona taulamua ai le susuga ia Brandon Sefo, o ia lea e onaina lenei faletoleni.


Ole itula e 4pm ile afiafi ole Aso Faraile 21 o Oketopa 2022 o le'a amata ai lenei tauvaga e faia i le malae ta'alo fa'avaomalo i le Apia Park.


O le'ā mafai ona maimoa ai tagata uma i luga ole itulau le facebook a le Bluwave (Facebook Page: blu tv).




148 views

Kommentare


bottom of page