top of page

3 Pine Auro ma le matāti'a fou na maua e Nevo Ioane.

PC: Samoa Weightlifting Federation.


E lē gata ina maua pine auro e 3 ae o le fa'atūina o se matāti'a fou i le Oceania.


O le susuga ia Nevo Ioane, o se tasi ua mauaina pine auro e tolu mo Samoa i taaloga a le Pasefika o loo talimālō ai Honiara-Solomona.


O Nevo o lo'o tauvā i le siisii u'amea mamafa, ma o lana si'i i le asō sa manumālō ai i le vaega o le sii malele(snatch) ma le si'i mālōlō(clean amd jerk) aemaise o le mauaina lea o le pine i le tuufaatasiga o ana si'i.


O le vaega o le 67 kilokalama na tauvā ai Nevo Ioane ma manumālō ai i Pine Auro e tolu.


Ua faaaopoopo atu ai nei pine nei i le isi pine auro sa maua e le tamaitai 'a'au o Olivia Borg i le po anapō.


I le tuufatasiga o Pine a Samoa ua iai, e tasi pine siliva na maua i le vaega o ali'i i le 4x100 swimming relay, 1 pine apamemea na mauaina e le JUDO, 1 pine apamemea na maua e le Para Table Tennis, o le pine auro muamua na maua e Olivia o le 'a'au ma le 3 pine auro ua toe mauaina e Nevo Ioane o le 'au si'isi'i u'amea mamafa.

208 views

Comments


bottom of page