top of page

43 miliona ua mae'a fa'amatu'u, 6 miliona o lo'o totoe o le miliona muamua.






50 Itumalo ua uma fausia Ofisa Fono Fa'avae, toe tasi le itumalo o lo'o talia pea.


Ua mae'a fofogaina le lipoti lata mai a le Matagaluega o Tina ma Tama'ita'i, o i latou o lo'o nafa ma le poloketi o le Tasi Miliona i itumalo ta'itasi i le tulaga ua o'o iai lea polokalame.

O le afioga i le Minisita o le Matagaluega, sa saunoa e fa'ailo se tala lata mai o le poloketi.


E 50 itumalo ua maea ona fausiaina o latou ofisa ae toe tasi le itumalo o lo'o talia pea le taimi e fa'amae'a ai le fauina o le latou Ofisa Tutotonu a le Itumalo.


E 48 Itumalo o lo'o fa'agasolo pea le fa'atinoina o le Poloketi ma latou polokalame, e 3 itumalo o lo'o iai le to'a i le taimi nei ona o ni mafua'aga fa'aleloto'ifale.


I le 51 itumalo, o lea ua mae'a ona tu'uina uma mai a latou lipoti o su'etusi aua le fa'agasologa ma le fa'aauauina o le poloketi.


Ua fa'ailoa ma fa'amanino e le Minisita le 51 miliona muamua mo le 51 itumalo, e $150,000 na fa'amatu'u muamua mo le fa'agaioiina o fuafuaga ma le Ofisa, a mae'a ona ona tu'uina mai lea o le ripoti i le fa'aaogaina o le vaega muamua lea ona fua lea iai o le isi vaega o le seleni.


I le miliona muamua o lo'o fa'amauina, e 50 itumalo ua mae'a ona tu'uina atu i le Matagaluega o Tina ma Tamaitai fuafuaga alumamao a itumalo e ave iai le fa'amuamua ae toe tasi le itumalo e lei tuuina atu le lipoti e pei o Fa'asalele'aga 5.


O lo'o mata'itu lelei e le Matagaluega le fa'agasologa o lea poloketi mo le manuia lautele o tagata o le atunu'u aemaise o ona faiga fa'avae ua mae'a fa'ata'oto.


E 43 miliona lea ua mae'a ona fa'amatu'u ona totoe ai lea o le 6 miliona mo ni isi o itumalo o lo'o talia le taimi e fofo a latou mata'upu fa'alotoifale.


E 11 itumalo ua fa'ailoa e le Minisita, o lea ua mae'a ona tu'uina atu a latou talosaga mo le miliona lona lua.


131 views
bottom of page