E lata i le 100 vala'au na maua e le to'omaga i le Kerisimasi ma le Tausaga Fou, o tagata o le atunu'u na manaomia le fesoasoani ona o ni mata'upu sa feagai ma latou.
E le'i malolo le To'omaga mo e Puapuagatia i vaitau o Aso Fiafia na mavae atu nei i le tele o vala'au mai le atunu'u i ni mata'upu o vevesi i 'aiga ma le mana'omiaga o fesoasoani tau fautuaga ona o mafutaga fa'aleulugali'i.
E tusa o le pepa o fa'amatalaga a le To'omaga mo e Puapuagatia, 30 pasene vala'au o tagata e mana'omia le fesoasoani ona o vevesi i totonu o 'aiga ae o le 70 pasene o vala'au o le mana'omia o fautuaga mo mafutaga ma tete'aga ona o mafua'aga, o galuega fa'avaitaimi, mata'upu tau 'aiga ma vevesiga i nuu aemaise o mataupu ona o le le mautonu ma isi.
I le maitau a le Toomaga i vaitaimi o Aso Fiafia, ua o se tulaga e silasila ai mo le fa'alauiloa atili o le auaunaga vili fua 24 itula o le laina fesoasoani a le fa'alapotopotoga.
Comments