top of page

"A mālō Tuila'epa, 'ua 'ou fa'amavae ma le tofi Minisitā male Faipule" - 'Olo Fiti Vā'ai.

17 Oketopa 2022


[Photo Credit: Parliament of Samoa]


E le talia gofie e le afioga i le Minisitā ‘o Felaua'iga ma Galuega Tetele ‘a le Mālō ia 'Olo Fiti ‘Afoa Vā'ai le tūlaga ‘o le la matā'upu ma le ta'ita'i o le itū agai iā Tula'epa Sailele Malielegaoi lea ua ‘i lima nei o le tulāfono i le lōia sili ma leoleo e tālia ai le aso o le'ā faia ai tōlaulauga 'a le fa'amasinoga a Sāmoa.


O le matā'upu lenei, ua tagi ai le Minisitā o Galuega ia 'Olo Fiti Vā'ai i le tulāfono e fa'asaga i le faipule o Lepā po'o le ta'ita'i fo'i o le Itū Agai le susuga ia Tuila'epa Sailele Malielegaoi, e fa'atatau lea ‘ini tu'ua'iga na tu'ua'i ai e Tuila’epa ia, e fa'apea o le ta'avale o le itu'aiga o le Land Kruiser; 'o se ta'avale na patino 'i le Minisita 'ua fa'atauina i tupe 'a le malo ma sa tauala atu i sana fa'asalalauga fa'alaua'itele na faia i luga o le ‘Upega Fa'aslalau le ‘Api o Foliga (Facebook ) a le vaega fa'aupufai e Puipuia Aiā Tatau a Tagata (H.R.P.P).


O le manatu a le ali'i Minisitā, ‘oni tu'ua'iga e leai ni fa'avae; ‘ona ‘ole ta'avale sa fa'atauina mo galuega asiasi a le Minisitā i nisi o nofoaga e mana’omia ai se ta'avale lelei ma e ui lava o lo'o fa'aalu le numera resitara 'i se tulaga tuma'oti (private) 'ae olo'o iai lava 'uma fa'amaumauga i le Matāgaluega o Fela'ua'iga ma Galuega.


Na saunoa le ta'ita'i o le vaega fa'a’upufai o lo'o agaia le mālō, o lenei faiga ua atagia ai ni faiga fa'a-alātua, ma na saunoa fo'i i se isi o ana polokalame lata mai; ua tapena i le fa'amasinoga e fofola 'uma ni mau e fa'amaonia ai ana tu'ua'iga e fa'asaga i le Minisitā ‘o le Kapeneta.


I le tuana'i ai o lenei fa'asalalauga 'a Tuila'epa, na manatu ai loa le ali'i Minisitā ua ‘o se matā'upu ua tatau ona tu'uina atu i le tulafono ‘ona ‘o lona popōlega o le'ā avea lea ma lape o ona tōfiga fa'a Minisitā ‘aemaise ai o le ono a'afia ai lea o le igoa mamalu o lona nu’u, itūmālō ‘aemaise lona 'āiga.


I le polokalame fa'asalalau a le ala ata le E.F.K.S TV, na saunoa ai le Minisitā, o lea ua sauni i le taimi o le'ā fa'ataunu'uina ai le la fa'amasinoga.


Ua ia fa'ailoa fo'i lona te'ena ai oni faiga fa'ale aganu'u, ina ia fō alamea ma soālaupule ai i tua lenei matā'upu. E manatu lava 'Olo, e le'o se matā'upu e tatau ona soālaupule i tua ‘auā ua ōia ai le va nofo lelei ‘aemasie o ona tūlaga tofi fa'a Minisitā.


"E lē faia ai ni ava fatafata ma le fa'akerisiano i nei mea.."


Ua ia fautuaina ai fo'i le ta'ita'i o le Itū Agai, ina ia tu'uina atu 'uma ana fa'amaumauga ma mau i le fa'amasinoga pe'ā o'o ile taimi e tōlaulau ai lenei matā'upu.


I luga lava o lenei polokalame, ua lu'iina ai fo'i e 'Olo Fiti 'Afoa Vā'ai le susuga ia Tuila'epa Sailele Malielegaoi pe'āfai ‘ae mae'a le matā'upu lenei 'i le fa'amasinoga.


"O la'u lu'i lea iai, a faia'ina i le mā Case; fa'amavae ma le tofi, 'ae a 'ou faia'ina..oute fa'amavae ma le tofi Minisitā, o'u fa'amavae ma le tofi faipule o lo'u itumālō"


E le'i mautū mai se aso o le tōlaulauga o lenei Matā'upu, o lo'o ta'oto le matā'upu lenei i le Ofisa o le Lōia Sili mo le su'esu'eina ona o lo'o a'afia ai le Minisitā ole Kapeneta.


2,433 views

Comments


bottom of page