top of page

A'oa'oga e si'itia ai le 'au'aunaga a leoleo mo le saogalēmū o tagata i Upega o Fesootaiga.

E to'atolu ni malu o le mālō ua toe taliu mai i le māe'a o se mafutaga fa'aleaoaoga na auai ai e fa'alautele lo latou silafia i ni isi o vaega eseese o loo galulue ai i le Matagaluega o leoleo.


O polokalame ua faaigoaina o le Cyber Safety Pasifika, lea na auai ai ni isi nei o leoleo.


O le manulauti, ina ia siitia i se tulaga maualuga faatinoga o galuega mo le malupuipuia o tagata mai i nis gaioiga faasolitulafono i luga o Upega o Fesootaiga.


I nai vaiaso e leo mamao, sa faatinoina ai ni aoaoga, e faatatau i faalauiloa ma aoaoga i suesuega faaletulāfono i lona vaega lona lua .


O le susuga i le Satini Sinia ia Iosua Samia, sa auai i lea aoaoga ma maua mai ai se isi malamalama fa'aopoopo, ae le gata i lea o le alii Ofisa ia Aliisolia Kitiona, na auai i aoaoga tau suesuega faaletulafono mo soligātulāfono i upega o fesootaiga.


O le isi sui, o le susuga i le alii leoleo o Tailigo Samoa, na aua i aoaoga mo faalauiloa ma aoaoga sauoo i tua i nuu ma afioaga, ma avea ai o se sui muamua e fesoasoani i le faatulagaina ma le faatautaia o mafutaga faaleaoaoga nei mo le Cyber  Safety Pasifika ma o se la'asaga lelei mo le Matāgaluega o Leoleo ma Falepuipui a Samoa.


O taumafaiga a le Cyber Safety Pasifika ma le auai o sui mai i le Matagaluega o Leoleo a Samoa, ua maninoa ai le tāu o le faamalosia o tulāfono i luga o matāupu matuiā ma soligatulāfono i luga o le initaneti.


I le maua ai pea e sui o le Matagaluega o tomai fou, o le 'ā fesoasoani tele lea i le puipuia o tagata mai le lamatia i luga o Upega o Fesootaiga.

54 views

Comentarios


bottom of page