top of page

AFELETI A A'OGA: O ai o le 'a siamupini i le Zone D?



Tusia: Demetrius Ah Mau.


23 Aukuso 2023: O le aso Lulu 23 Aukuso 2023 o le a ua amatalia ai ta’aloga afeleti(school athletics) a kolisi maualuluaga o Samoa, lea ua amata mea ai kolisi uma e I totonu o le Zone D. O le Kolisi o Safata, Nu'uausala, Leulumoega, Wesley College, Paul V1, A'ana 1, A'ana 2 ma fa’atasi ai ma le kolisi maualuga o Lefaga, o a'oga na o lea sa'ilia ai fo’i se siamupini o le Zone i lenei fo’i tausaga.


O le tausaga lenei ua toe fa’amaite ai e le ofisa o aoga ta’aloga ma aganu’u lea fo’i polokalame talu mai le tausaga e 2021. Sa le’i fa’ataunu’uina lenei fa’amoemoe I le tausaga na mavae nei ona o le fa’ama’i o le koviti-19.


O se fiafiaga tele foi lea i nisi o pulea’oga o kolisi ua mafai ona toe fa’aauauina lenei fo’i polokalame ona ua maitauina foi o se tasi nei o fa’amoemoe e fiafia iai tamaiti a’oga.

Ua leva ona tapenapena mai i le 8 vaiaso le ‘au tamomo’e a le kolisi o Leulumoega ae e le’o faigofie fo’i sauniuniga ale kolisi o Nu'u'ausala e pei ona iai le fa'amoemoe i lenei Aso.


O nisi ua fai matematega ma e lilifa le to’atele i le Kolisi o Leulumoega Fou, o le ‘a fa’atumauina lo latou siamupini ai ile Zone D talu mai le tausaga e 2021. Ae sa ta’ua fo’i e nisi o sui tamomo’e mai i nisi o Kolisi maualuluga o le Zone lenei, e iai lo latou iloa e ono iai se suiga o lenei fo’i tausaga, pe ‘a fua i le umi ona tapena ma toleni sui tamomo’e.


Ae peita’i o nei fesili uma ma matematega o le ‘a tali uma i le aso lenei pe ‘a mae’a Ta’aloga Afeleti o le Sone D o lo'o fa'agasolo.


O le Aso Tofi ua fa'atulaga mai ai ta'aloga afeleti o le Sone B.

154 views

Comments


bottom of page