top of page

Amata le fa'amasinoga o le ali'i leoleo o lo'o mōlia i amioga matagā fai fa'amālosi i se teine leoleo.


O le Aso Gafua 6 o Me 2024, na tulai ai le alii leoleo Satini o Laauli Ta'ala Junior Laauli i luma o le Faamasinoga Maualuga a Samoa i ni moliaga e faasaga ia te ia e pei ona molia ai e leoleo.


O le susuga ia Laauli sa galue muamua i le Ofisa o Leoleo, ona faamavae lea i le 2021 ia Oketopa ae tauvā mo le faigapalota laitiiti a le Itumālō o Falealili 2 i le faamalu a le F.A.S.T.


O moliaga o loo molia ai, o faiga 'aiga fai faamalosi i se tasi lava o tamaitai ofisa leoleo.


O le tamaitai lōia o Tima Leavai sa tulai mo ia e fai ma sui o lana lōia o Mauga Precious Chang.


Ua toe tolopō ai nei le toe valaauina o lea mataupu i le vaiaso fou, ina ua toe talosaga le itū a leoleo mo sina taimi faaaopoopo e auiliili ma tuufatasi ai mau ma moliaga.


O le tamaitai ofisa leoleo lea na ia faaulu lana tagi i le Ofisa ma faia ai le faaiuga e faamalolo le tumau, ae fai ai ma ona moliaga.


4,077 views

Comentários


bottom of page