top of page

Asiasiga tuliloa a Malo 'Aufa'atasi i Samoa mo Aia Tatau o Tamaiti.


Ata pu'eina: Nah Folasa |Blutv


O le masina o Mati i le tausaga e 2020, na ulua'i faia ai i Samoa nei se fonotaga o le fa'atalanoaga lona 84 a Malo 'Aufa'atasi i mata'upu ma le feagaiga i Aia Tatau o Tamaiti.


O le ulua'i taimi fo'i lea ua faia ai i fafo mai o le Nofoaga Tutotonu a Malo 'Aufa'atasi i Geneva, ni sainiga o feagaiga mo Totino o Aia Tatau o tagata Soifua.


I le tausaga lea 2020, sa fa'atautaia ai ni fa'atalanoaga i mata'upu lenei ma na auai ai sui o malo o Rarotonga, Federated States of Micronesia ma Tuvalu. Na taunu'u lea fa'atalanoaga i le malilie e fa'ataunu'u le faia o lipoti fa'aletausaga i mata'upu o Aia Tatau o Tagsata Soifua.


Sa maua e le Komiti lenei ni tala lelei mai i alo ma fanau Pasefika, o fa'alapotopotoga ma 'au'aunaga tau atina'e, ona talu ai na maua fo'i i lipoti le aga'i i luga o le numera o fanau ua a'afia o latou aia tatau e ola ai ona o sauaga i lotoifale o 'aiga.


I le toe tepa i le tausaga lona 75 na amana'ia ai se feagaiga mo le amana'iaina o aia tatau o tamaiti, na asa mai ai se 'auala saogalemu mo totino ese'ese o aia tatau fa'avaomalo.


O le mana'oga o le Komiti i lena taimi, ina ia fa'aauauina pea ona fa'alauiloa le amana'ia o aia tatau mo tamaiti e ola ma soifua ai ae o le sini autu ia malu ma saogalemu i latou i lotoifale ma si'osi'omaga o 'aiga.


O le tausaga la lenei o lea ua toe usuia mai ai i Samoa le isi fonotaga, e tuliloa ai lava mata'upu na fa'atalanoaina i le tausaga e 2020 aemaise o le fa'amautuina ai o isi feagaiga ua mae'a sainia e malo Aufa'atasi ma ana Pa'aga i le Pasefika i le Feagaiga lea o Aia Tatau Tamaiti.




O lo'o vala'aulia alo ma fanau aemaise o a'oga i lenei fonotaga taua e faalogologo ma faasoa ma sui o le Komiti o Aia Tatau o Tamaiti.


E tolu aso o lea fonotaga o lo'o faia i le faletalimalo o le Taumeasina, ma e taualuga lea i le aso Lulu 22 Novema 2023.


50 views

Comments


bottom of page