top of page

"Ave'ese loa lau tupe." tala fa'afeiloa'i a le NPF Portal.

23 Ianuari 2023.



O ananei i le taeao o le Aso Gafua 23 o Ianuari 2023, o le aso na fa'atalitali uma iai tagata o Samoa o lo'o iai latou saofaga i le Fa'alapotopotoga Fa'aputuga Tupe a Samoa mo le Lumana'i Manuia po'o le NPF ua iloa ai.


O le fa'amanuiaga lenei sa fofogaina e le tama'itai Minisita o Tupe i le tausaga ua tuana'i o le ‘a mafai ona tufatufaina mai e le NPF i ana tagata fai saofaga uma i le aso 23 o Ianuari o le tausaga lenei.


O lenei vaevaega e tusa lea ma le 2% ma e tu'uina atoa mai i tagata faisaofaga, na molimauina le to'atele sa o latou fa'atalitali i lenei fa'amanuiaga.


Ua talafeauga le tala ai o lenei pasene ma le tapenaga o lo'o iai lenei vaiaso mo fanau a'oga i le toe a'e atu i le vaiaso fou.


O le faiga ua iai nei ua fa'aaoga ai feso'otaiga fa'aonaponei i upega o fa'amatalaga po'o le Initaneti.


E tatau ona e lesitala i le upega o fa'amatalaga mo le siakiina o lau NPF po'o au saofaga, e tatau fo'i ona iai sau teugatupe i se faletupe e mafai ona tu'u sa'o iai lau fa'amanuiaga o le pasene.


Afai ae agai i luga o lau account mo le NPF, e iai le upu o lo'o i luga fa'apea; "Take cash payment" o lona uiga e ia te oe loa le filifiliga e o'omi ai le 'upu lena e mafai ai ona alu sa'o lena tupe i lau teugatupe.


O se faiga ua molimau mai le atunu'u i le faigofie ma le tele o le taimi alu e tu ai i le laina i Ofisa o le NPF.


264 views

Commenti


bottom of page