top of page

Chohoo! Ua saofagā le Manu Sāmoa i le Olimipeka 2024.

Ua tau lau o le faamoemoe a le Manu Samoa taitoafitu mo le Olimipeka o le tausaga 2024 i le mā'ea ai o taaloga o le Oceania.


O le aso 10 o Novema na amata ai le taamilosaga lenei a le Oceania ,o lea o loo talimālō ai Ausetalia i Brisbane.


O le afiafi nei 12 o Novema ua taualuga ai lenei taamilosaga, ma o le taamilosaga lenei e sailia ai avanoa mo 'au e le'i saofagā i le Olimipeka o le tausaga fou i Pale Farani.


O Samoa le isi atunuu e lei maua se avanoa, ma o le mae'a o le taaloga mulimuli ma Papua i le afiafi nei, ua faamautinoa ai le saofagā o Samoa mo le Olimipeka o le tausaga fou.


I taaloga uma a le Manu Samoa taitoa 7, e lei iai se taaloga na malolo ma o taaloga uma sa leai ni avanoa e la'asia ai e 'au sa latou taaalo le laina sikoa a Samoa.


Ua auai atu nei le Manu Samoa ia Fiti, Niu Sila ma Ausetalia o 'au o le Oceania ua mautinoa avanoa mo le Olimipeka 2024.


Faaiuga o taaloga:

Cook Island 0: Samoa 44

American Samoa 0: Samoa 52

Solomona 0: Samoa 50

Tuvalu 0: Samoa 36

PNG 0 : Samoa 24




Comments


bottom of page