top of page

E fua le fa'ai'uga o le tatala o Sam i tua i le i'uga(result) o lana fa'ata fa'apitoa.



Ua toe tolopō nei le mataupu a Sam Su'a ma lona toalua o Sivai Kepi i le vaiaso fou 27 o Fepuari 2024 e iloa ai le tali a le Faamasinoga i le la talosaga ina ia tatala i tua.


Na faailoa e Leinafo Taimalelagi o le lōia o loo tauaveina le itū a leoleo, ua iai le faamoemoe o le aso o Lumanai 27 Fepuari, o le 'ā fa'amautū ai moliaga a leoleo ma tuuina atu ai i le faamasinoga, ma o le 'a auai uma ai ma lōia a itū onle faamasinoga.


Ua māe'a ona faaulu atu e leoleo i le Faamasinoga moliaga mo i latou sa tula'i i le aso ananafi aemaise o latou o le 'ā tula'i i le vaiaso fou.


Ua faaalia foi e le tamaitai loia o le a faamautū ai foi i lea aso moliaga a leoleo ma tuuina atu le faasologa o moliaga.


Sa le'i te'ena e le lōia a Sam ma Sivai le talosaga a leoleo i le faamasinoga, ae o loo manatu le alii loia o le "a faailoa atu e le itu a leoleo pe o molia faatasi Fepuleai ma i latou na tulai nei i moliaga ia pe ese mai.

E tusa ma le 169 moliaga e faasaga ia Sam Fauena ae o lona toalua ia Sivai e 34 moliaga ma e lei faanumeraina ma o lea foi na faaletonu le latou system.


E leo iai se faamoemoe i le Faamasino e tatala i tua Sam i le taimi nei, ona e lei mautū ona moliaga aemaise o le tālia ai lea o le faata faapitoa ina ia silasila iai e tusa o le talosaga sa tuuina atu.


Na faailoa e le alii Lōia ia Fetū Lagaaia, o le 'ā taumafai e faatino ia vaega i se taimi vave i lenei vaiaso.


Ma na faatonuina ai e le Faamasino, ia tatau ona faaoo atu le tala o le fa'ata i le Aso Faraile nei qua le iloiloina o le talosaga.



O loo tumau pea le taofia o Sam ma Sivai i tuutuuga o loo iai e faanofoesea mai isi pagota, ia vaavaaia Sam tai itula ma siaki, ia mautinoa e tatala le avanoa e talanoa ai i laua i la loia.




390 views

Comments


bottom of page