top of page

E le agava'a Samoa i le tauvaga fou, taua o le "World League"


E lē o iai le Manu Samoa i le tauvaga fou o le lakapi fa'ava o malo lea e amataina i le 2026, ua fa'aigoaina o le World League.


World Rugby chairman Bill Beaumont
World Rugby chairman Bill Beaumont

Ua fa'amaonia mai e le NZ Herald, ua pāsia nei e le laulauāfono a le Iuni Lakapi a le lalolagi se ta'amilosaga fou ua ta'ua ole World League, ma ua amata nei tapenaga mo lea fa'amoemoe. E 12 'au ua fa'amaonia, ma e lē o aofia ai Samoa, Toga ma isi 'au tau atia'e. O 'au nei ua fa'amaonia le auai:

  1. England

  2. France

  3. Ireland

  4. Italy

  5. Scotland

  6. Wales

  7. Argentina

  8. Australia

  9. New Zealand

  10. South Africa

  11. Japan

  12. Fiji

Sā fa'ailoa e le presetene o le Iuni Lakapi a Amerika i Saute, le alii o Sebastian Pineyrua lona lē fiafia. Sa ia fa'ailoa mai, o lenei tauvaga, o le ā atili si'itia ai le malosiaga ma le maualuga o a ta'aalo a au nei ae oti ai au laiti pei o Portugal, Samoa, Tonga, Uruguay, Chile ma Georgia. Sā ave lana faaseā ma lona tete'e i le ta'ita'ifono o le Iuni Lakapi a le Lalolagi, le alii o Bill Beaumont.


South America Rugby president Sebastian Pineyrua
South America Rugby president Sebastian Pineyrua

Ina ua fesiligia Bill Beaumont, na ia fa'apea ai o le ā fa'aāuau pea le tauvaga o le Pacific Nations Cup mo 'au i le Tier 2, ma o le 'a fa'aopoopo i ai ma 'au mai Amerika i Saute. Sa lē talia e Sebastian Pineyrua lenei manatu. Ona e talitonu o ia, a lē ta'a'alo 'au mai le Tier 1 ma 'au o le Tier 2, e ma'imau le taimi ona e lē o maua se avanoa e atina'eina ai le tomai ma fa'aleleia ai 'au ole Tier 2.


Sa fa'aālia mai fo'i e se tasi sa avea mo sui taitaifono o le Iuni Lakapi a le Lalolagi, le ali'i o Agustin Pichot i le Daily Mail, e fa'apea, o lo'o vā'ai pea 'au tetele pei o Egelani, Niu Sila ma Ausetalia mo lātou, ae fa'atuatuana'i 'au laiti. Ua fai lenei faiga, ina ia puipui ma fa'amausalī pea malosi'aga o au tetele o le lalolagi.


E amata lenei Tauvaga fou i le 2026.

3,523 views

Comentários


bottom of page