Komesina o leoleo Auapaau Logoitino Filipo- PC: Govt of Samoa.
I le maea ona taofia ma pue e leoleo o le susuga ia Samuelu i le taeao o le Aso Faraile, sa aumai ai se saunoaga a le afioga i le Komesina o Leoleo ia Auapaau Logoitino Filipo, ma faamaonia ai lea tulaga.
Saunoa le Komesina, o le taeao na logoina atu ai ia e leoleo ao auai atu i Savaii i nisi o faalavelave faalemālō, o lea ua taofia ma pueina Sam.
Ma na faailoa e Auapaau, sa pueina Sam i le Fogafale 6 a le mālō ma lona faletua, faatasi ma se tasi o tamaitaie manaomia ona fesiligia i lea mataupu, ae e lei maua le tamaitai ia Marie, lea foi sa agiga lona igoa i tuuaiga a Sam ina ua faatalanoa i luga o le tatou auaunaga o le Blutv i le tausaga na tea.
I se molimau faatuatuaina, na faailoa sa pueina mai Sam i le ofisa o se lōia e lei manao e faailoa lona suafa.
O Sam, sa fai lana molimau i luga o le Blutv o ia sa iai tonu i le nofoaga na tupu ai le faalavelave ia Aperila i le tausaga 2021 i Vaitele lea na maliu ai Tuuau Faasavalu.
O lenei mataupu, ua savalia i le tolu tausaga o saili le mafuaaga ma i latou na tupu ai lea faalavelave.
Saunoa le Komesina, o lea ua faagasolo ala masani i le tulafono e faia ai moliaga faasaga ia Samuelu poo Sam ua iloa ai ona o ni faamatalaga sa faasalalauina i le upega o faamatalaga ma faasalalauga.
Comments