top of page

"E le’o gau, o lea e tele tupe a le mālō." Minisitā o Tupe.

12 Ianuari 2023.


Minisitā o Tupe le afioga ia Mulipola Anarosa Ale Molio’o (PC: Government Facebook)

Ua fa'amanino e le afioga i le tama'ita'i Minisitā o Tupe le afioga ia Mulipola Anarosa Ale Molio’o ina ua fesiligia e le Blutv; ni atugaluga a tagata ua latou fa'apea o le 'ā gau Samoa ua leai ni tupe.


I le tali mai a le Minisitā o Tupe, ua fa'amanino ai o lo'o tele tupe a Samoa o lo'o iai ma o lo'o fa'asoasoa lelei ma le tatau i mea e tatau ona ave iai le fa'amuamua ae le'o mea e leai sona tāua i soifuaga o Aso Uma ma le manuia o tagata Samoa.


Saunoa manino le tama'ita'i Minisita o Tupe, ana fa'apea ua gau Samoa; se mea manū pe nei e le iai ni fa'amanuiaga e fa'amatu'u atu i tua i le atunu'u lautele.


O le tele o tupe o lo'o iai nei i le mālō o tupe o lo'o maua mai i lafoga a Samoa ma o seleni lava ia o lo'o atina'e ai le atunu'u ma toe maua lava fo'i le avanoa e toe tufatufaina atu ai i le lautele.


O le tasi o vaega tāua na fa'ailoa e le afioga i le Minisitā o Tupe, o le tu'uitiitia ai lea o aitalafu a Samoa ma o le tasi nei o fa'amoemoe ma manulauti a le faigamālō ina ia uma ane le 5 tausaga o le paea'iga ua mafai ona fa'amamaina uma aitalafu a Samoa o lo'o iai ni isi o atunu'u ma faletupe tetele a le lalolagi.


2,762 views

2 Comments


Manulelei Coe
Manulelei Coe
Jan 12, 2023

Faamolemole poo se news fou lenei. ona o lea e maitau atu i le aso o le news o le 12 Ianuari 2022 ae o lenei ua tatou iai i le 2023. faafetai

Like

Malo lava i lau afioga minisita ma galuega lelei ua tofia ai lau afioga malo onosai I mea tiga oloo faafeagai ma oe i aso uma Folau male faatuatua GB ❤️❤️❤️🇼🇸🇼🇸❤️❤️❤️

Like
bottom of page