top of page

E leai se so'otaga o le BlueWave Wireless ma le Bluwave Galumoana Ltd.



Ua fa'amanino e le pulega o le Bluwave Galumoana Ltd, le ese'esega o lea auaunaga ma se tasi fo'i o Pisinisi i Samoa e tai tutusa igoa o le BlueWave Wireless.


Ua afua lea tulaga, ona ua agiga i felafolafoa'iga a le Palemene le tā'ua ai o le igoa o le 'Bluewave' i ni isi o seleni sa faamatuu iai e le mālō.


Ma o le manumanuga ina ne'i tu'uaiina ma ave sesēina le auaunga a le Bluwave Galumoana Ltd, ua afua ai ona manatu le alii pule ma le pulega ia faamanino nei vala i le atunuu.


O le kamupanī sa tā'ua le igoa i totonu o le Palemene i le Aso 13 Mati 2024, o le BlueWave Wireless; ma o se pisinisi e feagai ma auaunaga tau i fesootaiga faaneionapo.

O le Blue Wave Wireless, o le pisinisi e ūmia e ni isi o tamāli'i o le atunuu ma e leai se sootaga o lea pisinisi ma le Bluwave Galumoana Ltd.

Afioga ia Togisala Tony Leota, pule sili o le Blue Wave Wireless.


O le Bluwave Galumoana Ltd o se auaunaga o fa'asalalauga, ma o le Bluwave Galumoana o le fa'atinā lea o ni isi o 'au'aunaga e pei ona iai le Blutv, Blu-tech ma le Galumoana.


O le Blutv o le tasi nei o itūtino lauiloa a le Bluwave Galumoana Ltd, e pei ona iai ana polokalame faasalalau o le Taeao Manuia, Samoa Update, Breaking Waves aemaise o le polokalame lauiloa o le Tautai A'e i afiafi o aso taitasi.


Ua saunoa foi le afioga i le alii pule ia Anae Fuimaono Fa'amanuia Martin Anae, e leai se seleni (fund) a le mālō o faatupeina ai le Bluwave Galumoana Ltd.


Ma o itū nei sa mana'o ai le pulega e fa'amamā le igoa o le tautua mai i ni masaloga ma tu'uaiga sesē a le toatele.


O le auaunga a le BlueWave Wireless sa faaigoa muamua foi o le Netvo ma o se pisinisi faatinoina auaunaga tau fesootaiga mo upega tafailagi.


Saunoa Anae,

"E ese le Bluwave Galumoana, ese le Blue Wave Wireless formerly known as Netvo lea pisa ai totonu le palemene i mea tau telecommunications. Different people, different services, different everything".


381 views

Comments


bottom of page