top of page

E ono soloia tulafono e tapu ai le faigaluega fa'atasi o se ulugali'i leoleo.

25 Novema 2022



Ua folasia e le afioga i le Sui Komesina o Leoleo ia Papalii Monalisa Keti le fa'amoemoe ua toe silasila iai le Matagaluega o leoleo ina ia toe teuteu le tulafono lea ua tapu ai ona toe faigaluega fa'atasi ni ulugali'i leoleo.


O le saunoaga a le sui Komesina o leoleo i le feiloa'iga ma le au tusitala i le nei vaiaso, na ia fa'ailoa ai; o lo'o ua tilotilo nei le Minisita o Leoleo ina ia toe fa'afo'i mai le tulaga lea ina ia mafai ona Toe Faigaluega fa'atasi leoleo e iai so'otaga fa'aleulugali'i, ae e ono silasila i se tulaga o le fa'aese'ese o tulaga po vaega e galulue ai i totonu o le matagaluega o Leoleo.


I le maitau i le le lava o leoleo mo le puipuiga o le saogalemu o Samoa o se tasi lea o fa’amoemoe o le’a taumafai ai le Matagaluega ina ia toe silasila i lenei tulafono ina ia maua ai le avanoa mo ni isi o tagata o lo’o iai le tomai mo galuega fa’aleoleo.


O le 2018 na fa'amamalu ai lenei tulafono i le le toe mafai ai ona faigaluega fa'atasi o ni ulugali'i leoleo i le matagaluega.


332 views

Comments


bottom of page