top of page

Eleele solo i vaega eseese o le atunu’u.

By Lauano Demetrius Ah Mau.


O fesuisuia’iga o le tau na amata mai i le afiafi o le aso Sa aso 4 o Fepuari 2024, ma faasolo mai ai I le po anapo na maitauina ai le tele o eleele solo i nisi o vaega o le atunu’u. O isi magaala ua le mafai ina uia e le mamalu lautele o lea utu’u o lo’o feoa’i I luga o auala tele.

O le mamafa ai o timuga ua papa vaitafe ae le gata I lea o nisi o alavai I tafā ala ua lolovaia uma ai luga o auala taavale. E tusa ai ma faasilasilaga o le Pulega o Fela’uaiga I le Laueleele(LTA), o isi vaega o le atunu’u na motusia le eletise talu ai o laau ua pauū I luga o uaea eletise, e pei ona iai le auala I Taufusi ma Fagali’i.

O le eleele solo I se vaega o le afioaga o Luatuanu’u sa mafua mai anapo I le tetele ai o timuga ma le loulouā o le tau. Sa mafai na o’o vave atu iai le aufaigaluega o Pulega o Fela’uaiga I le Laueleele(LTA) ma taumafai e kilia na’o se vaega ala o le itu taumatau mo le femalagāa’I ai o tagata I lea magāala. O le taeao nei o le a galulue ai loa mo le kiliaina ma aveesea o otaota ma laau mai luga o le auala.

E le’i mapu le Pulega o Fela’uaiga I le Laueleele mai lava i aso ananafi seia o’o mai I le taeao nei, o le taumafai lava e kilia auala ma eleele solo faapea le logoina mai o le mamalu lautele o Samoa Ina ia silafia i magaala ma eleele solo i vaega eseese uma o le atunu’u.

58 views

ความคิดเห็น


bottom of page