top of page

Fōa'i e Cook Island le fanua mo tagata Samoa o lo'o aumau i lo latou atunu'u.


I le taualuga ai o le fonotaga mo ta'ita'i o le Pasefika na faia i Cook Island, na maua ai se avanoa e faatino ai ni faaaloaloga fa'aleaganuu a le tasi o 'a'ai o Cook Island i le Palemia o Samoa, Fiamē Naomi Mata'afa.


O lenei fa'aaloalo, o aga masani talimālō a le atunuu; na faatino ai se 'aiavā[oora] po'o le ofoina atu o meaalofa mo le tamaitai Palemia.


Na auai le tamaitai Palemia o Samoa ma le afioga i le Kovana o Amerika Samoa ia Lemanu Peleti Mauga ma lana fo'i aufono.


I lea lava fa'atasiga, na mulia'i i se meaalofa na tuuina atu ai e le ta'ita'i o le Ngati Maoate Clan Kiriau Turepu i le Palemia o Samoa e ala i pepa o le fanua 'afa 'eka mo Samoa uma o loo i totonu o le atunuu o Cook Island.


Saunoa le ta'ita'i o lea pitonuu, o le fanua o le 'ā mafai ona fausia ai se fale e mapu pe agai iai tagata Samoa o loo aumau i Cook Island mo ni latou faatasiga ma faamoemoe.


Na fa'ateia le afioga i le Palemia o Samoa, ona o lenei meaalofa ua ofo fua mai e le nei atunuu o le Pasefika , ma sa ia momoli ai le faafetai e fai ma sui o Samoa, ona o le amanaia o ona tagata.


O le fonotaga lenei a taitai o le Pasefika na auai ai le Palemia, sa faatalanoa ai ni isi o matāupu e pei o suiga o le tau, saogalemū, fefaatauaiga ma isi.

665 views

Comments


bottom of page