top of page

Fa'ae'e le suafa Fata i le faiā'oga ulu o le Manu Samoa ta'ito'afitu.

O le taeao nei na faataunuuina ai le faanofotupu o suafa matai i le nuu o Afega, i ni matai e tausia le 'āiga ma nu'u.


O suafa Fata, Matua ma Leatuafi lea ua faaee atu i ni isi o le aiga e tusa ma le 80.


O le susuga i le faiā'oga ulu o le Manu Samoa taitoafitu ia Muliagatele Brian Limā ua matai nei i le suafa Fata o se matai tāua ma faia upu o le nuu.


O le suafa Fata lenei sa tauaveina foi e le tua'ā o Brian Limā le afioga ia Tuliaupupu Pala Limā.


I le faafotu tupu o suafa, e lē gata o le susuga i le alii faiāoga ae ua faaeeina foi le suafa Fata i lona alo matua o BJ Telefoni Līmā.


E lua vaega o le sauniga, o ke Aso Faraile na faataunuuina ai le sauniga e faapaia ai nofo e pei ona auai uma ai susuga i faafeagaiga o le nuu ma le afioaga.


O le taeao nei na usu ai loa nofo i totonu o le afioaga o Afega, ma sa auai Fata ma Maulolo i le faapaiaina o Nofo e tausia le aiga.


E toalua ni isi ua faaee iai le suafa matai tāua Tipoa'e o le 'āiga.

1,620 views
bottom of page