top of page

Fa'agasolo fa'ata'ita'iga mo mū a le Pulega o Tineimū i pisinisi ma tagata faigaluega.

Tūsia: Lauano Demetrius Ah Mau


O le asō na fa’atinoina ai e le pulega o Tineimu ma Fa’alavelave Tutupu Fa’afuase’i ni a’oa’oga mo le pulega a le Vailima Breweries, e ala i le a’otauina o aufagaluega ma le pulega atoa i ni fa’atinoga mo le tapeina ma le foia o se mu pea tupu fa’afuase’i a’o feagai ai ma galuega i totonu o le kamupani.


E le gata i lea ae o le toe fa’amautinoaina ua fa’aoloaina le aufaigaluega atoa i auala esese e tatau ona uia pea tupu se mu e tusa ma a’oa’oga sa fa’atinoina muamua.


Ua maea fo’i ona toe ave le fa’amanatu a le Pulega o Tineimu ma Fa’alavelave Tutupu Fa’afuase’i i le pulega ma le aufaigaluega atoa a le Vailima Breweries i auala e tali atu ai i ni fa’alavelave tutpu fa’afuase’i ma itu uma e tatau ona uia ma vave ona o ese mai ai i se taimi vave pea tupu se mu.



Na iai fo’i le lagolagosua a nisi o pulega e patino a latou galuega i taimi o fa’alavelave tutupu fa’afuase’i e pei o na iai le Red Cross, Electric Power Corporation Samoa(EPC) ma le Disaster Management Office Samoa(DMO).



86 views
bottom of page