O le aso ananafi na amatalia ai le iloiloga fa'aletulafono(tribunal) a ni isi o e sa avea ma leoleo o lo'o tu'ua'ia i le faia lea o ni su'esu'ega e le'i fa'atagaina e le Komesina o Leoleo, e sootaga i le mata'upu o le maliu o Tuuau Fa'asavalu i le tausaga e 2021.
O nei leoleo o le susuga ia Tupa'i Fa'ataumalama Auava ma le tama'ita'i o Henfa Price.
O lo'o fa'amalolo le tumau nei i la'ua mai i o la'ua tiute fa'aleoleo, e fa'atali ai le fa'ai'uga o le iloiloga a le fa'amasinoga.
O se loia palagi po'o le KC ia Morgan Philipi o lo'o tula'i nei mo Li'o Fa'ataumalama Auava i lea iloiloga fa'aletulafono a le Matagaluega o Leoleo.
O loo iai isi moliaga o lo'o molia ai Fa'ataumalama e fa'atatau lava i le Mata'upu o le maliu o le tama a'oga Iunivesite i le nuu o Vaitele i le tausaga e 2021.
E le itiiti ifo ma le vaiaso e faia ai le faamasinoga.