top of page

Fa'agasolo ta'amilosaga ta'ito'a fitu a kolisi o Samoa.



O lo'o fa'agasolo lava polokalame o ta'aloga a kolisi maualuluga o Samoa e ui o lo'o iai le mataupu fa'alotoifale a le asosi o puleaoga a Samoa le fa'aiuga o le aveesea ai o le kolisi o St Joseph's College ma ta'aloga mo le 4 tausaga e le'i avea ma tulaga e fa'atuai ma taofia ai le fa'agasologa o ta'aloga a Kolisi uma o Samoa.


O le vaiaso lenei sa fa'atino uma ai ta'amilosaga ta'ito'a fitu a sone uma e 4 o lo'o aofia uma ai kolisi uma o Samoa i Upolu ma le motu tele i Savai'i.


O le aso ananafi aso Lulu 22 o le masina lenei o Me sa fa'amaea uma ai ta'aloga ta'ito'a fitu i sone e fa(4) i ali'i fa'apea ai ma 'au a tama'ita'i, lea ua tapena ma fa'asauni ai mo le sailiga siamupini mo le tausaga lenei o le 'a faia i le aso 6 ma le aso 7 o le masina o Iuni 2024.


E le'o mautinoa po'o ua ma'oti mai se nofoaga o le a fa'atautaia ai le sailiga siamupini mo ta'amilosaga lakapi ta'ito'a fitu a fanau aoga, o le siamupini o le tausaga ua mavae i 'au a ali'i lea sa manumalo ma siamupini ai le kolisi o Pesega.

27 views

Комментарии


bottom of page