top of page

Fa’ailoa le lisi o le Manu Samoa ta’ito’afitu mo le ta’amilosaga a le Oceania i Ausetalia.

Tusia: Demetrius Ah Mau.


O lea ua fa’ailoa fa’alauaitele le lisi o le ‘au ta’ito’afitu a le atunu’u e le faiaoga ulu ia Muliagatele Brian Lima, o le a tausinio ai I le ta’amilosaga a le Oceania Sevens Championship 2023 I Brisbane Ausetalia I le faaiuga o le vaiaso lenei, aso 10 aga’i atu I le aso 12 o Novema 2023.

O le tausaga lenei e atoa iai le sefululima tausaga o lea ta’amilosaga ua taua o le Oceania Sevens Championship. O le fa’amoemoega o lenei ta’amilosaga e mo le sailia ai o ‘au e saofaga atu I le Olimepeka o le a faia I le tausaga fou I Pale Farani.


E tolu ‘au ua mautinoa avanoa mo le Olimipeka, e aofia ai Ausetalia, Fiti ma Niu Sila, ma o lo’o fa’atulaga mai I le pulu A fa’atasi ai ma Niue e ui lava ua mautinoa le le’i maua ai o se latou avanoa mo le Olimipeka fa’apea ai ma le ‘au o lo’o vala’aulia I lea ta’amilosga o le Barbarians. O Samoa o lo’o fa’atulaga mai I le pulu B e iai ma Amerika Samoa, Atu Kuki, fa’apea Solomona ma Tuvalu.


O se tala fiafia le toe auai mai ai o le susuga ia Va’a Apelu Maliko, lea sa toesea ma taalo ai I lana kalapu lakapi I Farani. O le toe filifilia ai o Maliko o le a fesoasoani tele I le taumafaiga ma le tausinioga a le au a le atunu’u aua le sailia ai o se avanoa maumaututu mo le Olimipeka.


O le ali’i o Vaovasa Afa Su’a ua filifilia e avea ma kapeteni, a’o Paul Scanlan i le sui kapeteni, o i la’ua na o le ‘a ta’ita’ia le ‘au a le Manu Samoa mo lea ta’amilosaga.


O le ta’amilosaga fa’avaomalo muamua fo’i lea a le susuga ia Pelasio Samuelu Niuula ma Ta’ita’ifono Senio Tavita, o se ni isi o alo a le atunu’u e fou i totonu o le filifiliga a le susuga I le faiaoga ulu ia Muliagatele Brian Lima.


Manu Samoa 7s.


  1. Vaovasa Afa Su’a

  2. Paul Eti Alesana Slater

  3. Paul Scanlan

  4. Matu Opetaia

  5. Levi Milford

  6. Taunuu Niulevaea

  7. BJ Lima

  8. Elisapeta Alofipo

  9. Taitaifono Senio Tavita

  10. Famaoni Junior Lalomilo

  11. Fa’afo’i Falaniko

  12. Pelasio Samuelu Niu’ula

  13. Malakesi Masefau

  14. Va’afau’ese Apelu Maliko.


Head Coach: Muliagaterle Brian Lima


Assistant Coach: Tausa Fa’amaoni Lalomilo


Manager: Tuala Patrick Leota


Video Analyst: Junior Naryan


Physiotherapist: Phlipa Masoe.


559 views

Comments


bottom of page