top of page

Fa'ailoga o le palolo i Falelima.

E na'o Falelima le nu'u e sulu ai le pa'a e tā'ua o le 'mali'o' , ma e sulu lea pa'a i le vaiaso muamua ae lei o'o i le isi vaiaso o le palolo.


O lea faiva e pau lea o le taimi o le tausaga e fai ai i le nuu o Falelima, e iloa ai e le nu'u taimi o le palolo i le masina o Oketopa i tausaga uma.


E atoa le vaiaso e sulu ai lenei pa'a, ma e o le pau nei o le sulugā pa'a e fai i uta o le pa'umutū i le auala tele.


O le pa'a o le mali'o e aga'i mai uta o le talaloa i mauga e faamoemoe e agai i le sami e lūlū ese ai lana taga agani.

O le afiafi po, e savavali le nuu ma latou mōlī i luga o le auala e sulu ai le paa ae lei oso le masina, aua o le pa'a lenei e oso loa le masina ona lē toe vaaia lea.


O suluga mulimuli e tā'ua o le sulu tele ma le 'ai agani, o le sulu lenā e le toe sulua ai luma o le 'auala tele ae o le 'ā aga'i tagata e pō pa'a i luga o papa i gataifale o le afioaga.


O le vaiaso muamua e maea ai le suluina o le pa'a lenei ona faitau loa lea o aso e fitu mo le asia o le palolo.

Pa'a o le 'mali'o'(lanu enaena) ma le alamisi(lanu violē).


O le malio o se pa'a e lanu enaena lona tino ma e iai ma le isi ituaiga pa'a e tā'ua o le alamisi.


O le matai'a lea a le nu'u, a lelei le suluga o le po, ona fa'afai'ai lea i le popo ma e vau i le peepee lona agani ina ia maua ai le manoni o le pa'a.

2,151 views

Comments


bottom of page