13 Tesema 2022
Ua fa'alauiloa fa'alaua'itele nei e le afioga i le Minista o Tagata Pasefika i Niu Sila ia Aupito William Sio lona le toe alu ai lea i le palota tele a Niu Sila i le tausaga fou 2023.
O lenei fa'aiuga ua faia lava e le afioga ia Aupito e manatu ua lava lona sao mo le atunu'u o Niu Sila aemaise ai fo'i o tagata Pasefika.
Ua fa'ailoa e le afioga ia Aupito, e iai fo'i ni isi o faipule o lo'o i le malo ua fa'ailoa lo latou le toe tamomo'e ai i le faigapalota o le tausaga fou.
O le fa'alauiloa ai e le afioga ia Aupito o lea tulaga ua ia ta'ua ai fo'i o le'a fa'ase'e e fai ona tiute fa'amatai tausi 'aiga.
O le'a fa'aauau pea ona galue le afioga ia Aupito i le tau'aveina lea ona tofiga fa'aminisita o Tagata Pasefika se'ia mavae le tausaga fou lea ua fa'ailoa ai lona le toe fo'i mai e tauva i le faiga palota tele a le malo o Niu Sila.
O le masina fo'i o Aperila o le 2023 ua ia fa'ailoa e atoa iai le 15 o tausaga talu ona ia avea ma faipule o le itumalo o Magele.
Comments