top of page

Fa'alealea e Akon le fu'a a Samoa i lana Koneseti i Niu Sila.

14 Novema 2022


I le Aso Sa 13 Novema 2022 na faia ai se Koneseti a le ali'i pese lauiloa o Akon i Aukilani, Niusila ma na lolofi iai le to'atele e maimoaina lenei Konseti tele.


Na molimauina ai a'o fa'agasolo lea fa'afiafiaga tele na tu'uina ai e nisi o le 'au maimoa le tagavai o Samoa i le ali'i pese ma ia fa'alealeaina a'o pese.



I le mae'a ai o le ta'aloga mata'ina a le Toa Samoa ma Enelagi i le Semi Final o se tulaga mata'utia fo'i lenei i le atunu'u ma so'o se tagata Samoa i le lalolagi i auala ese'ese o lo'o fa'aali ai le lagolago a le atunu'u.


I le manumalo ai o le Toa Samoa i lana ta'aloga ma Enelagi, ua o se matati'a ua fa'atuina e ui e le'i mae'a le sailiga siamupini lea ua fa'amoemoe mo le Aso Sa nei.


Ua va'aia fo'i i le taulaga o Samoa le fu'a loaloa ai, o pisinisi, o kamupani, o luma fale o 'aiga Samoa aemaise fo'i o ta'avale ua tatau ai fu'a o le atunu'u e fa'aalia i le lagolago.


1,205 views

Commentaires


bottom of page