top of page

Fa'aleaogaina e le fa'amasinoga o Apili le nofoa fa'aopoopo mo Anoama'a 2.

14 Novema 2022



Ua fa'aleaogaina nei i le fa'ai'uga a le Fa'amasinoga Apili a Samoa le nofoa fa'aopoopo mo le Itumalo Fa'apalota o Anoama'a 2.


O le nofoa fa'aopoopo mo Anoama'a 2 na filifilia mai i le 10% o tama'ita'i faipule e tatau ona iai i le palemene e tusa ai ma le fa'avae aemaise o le tulafono o faigapalota.


O le afioga ia To'omata Nora Leota lea na filifilia fa'atasi mai ma le Afioga ia Ali'imalemanu Alofa Tu'uau ma Fa'agaseali'i Sapoe Feagia'i i le 10% e pei 'ona mana'o mai ai le fa'avae.


Peita'i na toe fa'aulu le tagi a le Afioga ia Ali'imalemanu ma Fa'agaaseali'i, o le fa'atautoga a le afioga ia To'omata e le'o ogatasi ma le tulaga o lo'o talanoa mai ai le fa'avae, lea e tatau ona fa'amalieina lelei le 10% o le aofa'i o tna ma tama'ita'i i totonu o le Palemene.


I le fa'ai'uga a fa'amasino i lenei aso, na fa'aleaogaina ai fo'i e le fa'amasinoga o Apili le talosaga apili a Toomata Leota e fa'asaga foi ia Aliimalemanu ma Fa'agaseali'i.


I le fa’ai’uga o lo’o fa’ailoa mai ai:

(68) O le apili na taliaina.

(69) I le Parakalafa 59(b) 59(d) o le fa’ai’uga a le Fa’amasinoga Maualuga ua fa’aleaogaina.

(70) Ua fa’ailoa mai e leai se sui fa’aopoopo e tatau ona fa’atautoina, ma o le fa’atautoina o To’omata Nora Leota e fa’aleaogaina.

(71) Ua fa’ailoa mai, o To’omata Nora Leota e le’o se sui o le Fono Faitulafono a Samoa.

(72) O le Apili a To’omata, ua fa’aleaogaina.


O afioga i fa'amasino na saofa'ia lea mata'upu i lenei aso, o le Peresetene o lo'o iai nei o le Fa'amasinoga Apili ia Rhys Harrison,Raynor Asher, William Young ma le afioga ia Tafaoimalo Leilani Tuala Warren.



568 views

Comments


bottom of page