top of page

Fa'amālōlō lē tūmau le Ofisa Sili o le Matāgaluega o Pisinisi.

31 Ianuari 2023.


Pulotu Lyndon Chu Ling

Ua fa'amaloloina nei le tumau le Ofisa Sili o le Matagaluega o Pisinisi, Alamanuia ma Leipa le afioga ia Pulotu Lyndon Chu Ling aemaise o le Sui Ofisa Sili Lagolago ia Tofilau Matthew Alesana ona o ni isi o su'esu'ega o lo'o ua fa'atinoina nei i le Matagaluega i ni isi o Mata'upu.


I le pepa o Fa'amatalaga mai i le Ofisa So'oupu a le malo ua fa'ailoa ai lenei fa'ai'uga.


"Ua fa’amaonia e le Kapeneta le fa’amālōlō lē tumau ai o le Ofisa Sili o Pulega, o le Matāgaluega o Pisinisi Alamanuia ma Leipa, le afioga iā Pulotu Lyndon Chu Ling ma le Sui Ofisa Sili Lagolago mo le Vaega o Galuega Fa’avaitaimi iā Tofilau Matthew Alesana.

O lenei fa’ai’uga ua faia ina ia aualā ai le fa’atinoina o le su’esu’ega e fitoitonu i le Vaega o le Matāgaluega o lo’o gafa ma le fa’afoeina o galuega fa’avaitaimi mo le atunu’u.

E tusa ma ala o le Tulafono ma faiga fa’avae a le Mālō, ua fa’ase’e atu le matā’upu i le Komisi o Galuega a le Mālō mo le fa’atinoina o le su’esu’ega ma toe lipoti vave mai ai i le Kapeneta mo sana fa’ai’uga mulimuli."


O le masina o Novema na toe filifilia ai le afioga ia Pulotu i lenei tofiga ma o lea ua tolu ai nei ana paea'iga talu mai le tausaga e 2016.


1,974 views

Commentaires


bottom of page