O le vaveao o le Aso Sa ua mavae atu sa galulue ai le Matagaluega o Fa'atoaga ma Faigafaiva i le fuaina o i'a ma figota o lo'o fa'atau e le au faifaiva a le atunu'u i le Maketi I'a i Apia fa'atasi ai ma le lagolago a le Matagaluega o Leoleo e ala i le fesoasoani i le fa'atinoina o galuega.
O le autu o lea galuega sa fa'atinoina ina ia mautinoa ma iloa olo'o usitaia e le au fai faiva o Tulafono Fa'atonutonu o Faigafaiva 1995 fa'atasi ai male puipuia o punaoa ma figota o le sami e ala i le taofia o le fagotaina, umia ma le fa'atauina atu o i'a, pa'a, ma ula i lalo ifo o fua fata'atatau e tatau ona iai.
Sa aveesea fa'atulafono e le Matagluega i'a ua mautinoa e le'i o'o i le taimi e tatau ona fa'atau ai e fua i lona fua fa'atatau e tatau ai ona fa'atau ma sa faia iai su'esu'ega i nei figota ua fagotaina e le au fai faiva.
O lo'o fautua malosi mai le Matagaluega o Fa'atoaga ma Faigafaiva i le mamalu lautele o le atunu'u ina ia tautuana figota ma i'a o le gataifale ia aputiputi lelei aua le fofoga taumafa ale atunu'u, ma so'o se tasi e solia le tulafomno o le fagotaina o i'a e i lalo ifo ole fua fa'atatau e tatau ai ona fagotaina o le a fa'asalaina i le sala tupe e le ititi ifo o le $10,000.
コメント