Tesema 22, 2022.
I le mavae ai o le tasi le tausaga ma le tolu masina talu ona galuega le afioga ia Su'a Helene Wallwork e tau'aveina le tofiga o le Loisa Sili a le malo ina ua tofia i se taimi fa'anatinati ina ia sui tulaga i le tama'ita'i sa loia sili i le tausaga ua tuana'i.
O le masina o Setema o le tausaga 2021 na fa'atautoina ai le afioga ia Su'a mo se taimi e le tumau, peita'i i le mae'a ai o le fonotaga a le kapeneta i le afiafi o le Aso Lulu 21 Tesema 2022; na fa'ai'ugafonoina e le Kapeneta le toe filifilia ai lea o le Afioga ia Su'a Helene i le tofiga Loia Sili a le malo mo le tolu tausaga.
O le afioga ia Su'a ua 48 tausaga le matua o le soifua ma o lo'o umiaina ni isi o fa'ailoga maualuluga mai i Atunu'u i Fafo.
Comments