16 Setema 2022
Na tapisa fo’i le ‘api o foliga(facebook) i le talanoaina ‘o le taleni a le tama’ita’i ua pale nei i le Miss Samoa 2022-2023 le tama’ita’i o Haylanni Pearl Mataupu Kuruppu.
I le talanoaga ‘a le BluTv male tausala a Samoa i le aso Tofi 15 Setema 2022 ua ia tatala ai le ‘ato ponapona ‘i se tala natia po’o le tala o lo’o ta’oto i tua o le taleni na manumalo i le tauvaga o lenei tausaga.
O le taleni a Haylanni o se siva fa’amalositno e ta’ua ole ACROBATIC DANCE, ‘o le tala ma le uiga na ia filifili ai lenei taleni oni ona alofa’aga molipo lea mo i latou na maliliu ile Koviti 19 aemaise lava o tina ma tamā matutua.
O Haylanni o se tama’ita’i fai fa’amalositino (personal trainer), ma o lona lea fo’i manatu fa’atagata fai fa’amalositino o lana taleni sa ia taumafai ina ia fai se suiga e ala lea i le ta’u mai o se fe’au taua i ona tagata Samoa i le tau o le ola maloloina ma o le ala fo’i lea o le faia fa’apitoa o lenei taleni siva fa’amalositino mo alofaaga e manatua ai i latou ua maliliu i le Koviti 19, o le ola maloloina o le tino o se tasi o talita malosi e tali atu ai i le a’afia i fa’ama’i ese’ese.
O Haylanni o se tama’itai talavou e iai lona pito Samoa ma lona itu SriLankan, o le tina ‘o le Samoa ae o lona tama o le SriLankan. O le tama’ita’i ia Haylanni na manumalo i se tauvaga tausala na faia i Melepone, Ausetalia ma maua ai loa le avanoa e malaga mai ai e tauva i le sa’iliga lea o se tausala mo Samoa.
O le taimi nei olo’o iai le fa’amoemoe e toe malaga i Ausetalia mo le lua vaiaso e tapena ai lana toe malaga mai i Samoa ma tautua ai mo le isi 12 masina, o le’a galue i le ofisa o Samoa Tourism Authority ma avea ma amepasa o Samoa i le lalolagi.
Miss South Pacific Island.
Ua fa’ailoa nei le tapena ai foi ole tausala o Samoa mo le tauva tele a le Pasefika 2023 lea fo’i ua mautinoa o le’a talimalo ai fo’i Samoa i se taimi o le tausaga 2023 e pei ona ta’ua e Leiataua Jerry Brunt.
O Samoa o lo’o iai nei le pale o le Miss Pacific Island e pei ona pale ina e le tama’itai o Fonoifafo Mcfarland lea ua toeitiiti atoa le 4 tausaga o lana nofoa’iga.
O le taimi mulimuli na talimalo ai Samoa i le Miss Pacific Island o le tausaga e 2016 lea na manumalo ai le tama’ita’i Fiti o Anne Dunne.
Comments