Fa'amavae le Ofisa Sili o le Matāgaluega o Tinā ma Tama'ita'i.

Ua fa'amave le sā avea ma Ofisa Sili o pulega a le Matāgaluega o Tinā ma Tama'ita'i, Atina'e o Nu'u ma Agafeso'ota'i ia Dr Mema Motusaga.

Ua talia fo'i e le Kapeneta lana fa'amavaega ina ua māe'a lana fonotaga masani i le Aso Lulu 27 o Setema 2023.

O ni tu'uaiga o lo'o faia iai su'esu'ega e fa'asaga ia Mema, o le mafua'aga lea o lona fa'amavae mai ai ma tōfiga a le mālō.

Ua fa'ailoa e le tasi pā'aga, o le lē mulimulita'ia e Mema o faiga fa'avae a Matāgaluega a le mālō i le faia o ni fa'ai'uga i matāupu tau sele e totogi atu i se pisinisi ona o le auaunaga sa faaaoga e le Matāgaluega na māfua ai ona faia su'esu'ega.

O Dr Mema Motusaga, sa tofia e le Komisi o Tagata Faigaluega ma Faamaonia e le Kapeneta i le masina o Mati o le tausaga 2022.

O se tama'ita'i sa feagai ma le galuega o le fa'asoaina o le Poloketi $1 miliona talā lea na amata mai i le tausaga ua mavae.