top of page

Fa'amavae le Ofisa Sili o le Matagaluega o Fa'ato'aga.

26 Ianuari 2023.


Tilafono David Hunter

Ua fa'amaonia mai e le afioga i le Minisita o Fa'ato'aga ma Faigafaiva ia La'aulialemalietoa Polata'ivao Fosi Schmidt le fa'amavae ai o le Afioga i le sa 'avea ma Ofisa Sili o le Matagaluega ia Tilafono David Hunter.


O le fa'amavaega a Tilafono ona o nisi o tulaga fa'ale'aiga, ma sa tula'i ai le afioga ia La'aulialemalietoa Polata'ivao Fosi Schmidt e fa'ailoa ai lea tulaga ina ua ia taulimaina le fa'amavaega a lea fo'i tamali'i a le atunu'u.


I le saunoaga a le Afioga i le Minista o Fa'ato'aga ma Faigafaiva na momoli ai lana fa'afetai i le sao o le afioga ia Tilafono i lana tautua i le tele o Tausaga ua mavae e o'o mai lava i lenei taimi o lo'o galue punoua'i pea le afioga ia Tilafono.


O le afioga ia Tilafono na tofia ma filifilia i le tausaga e 2016 a'o avea ai le Afioga ia La'aulialemalietoa ma Minista o Fa'ato'aga i lena fo'i paea'iga.


2,305 views

Comentarios


bottom of page