top of page

Fa'aosofia le finau a 'au afeleti o ta'aloga o le Pasefika i le ata ua fa'aigoaina o le FREEMAN.



O le afiafi o le Aso Gafua sa fa'atautaia ai e le Ofisa o le Komesina o Ausetalia i Samoa nei ma le Kamupani telefoni o le Digicel Samoa se fa'aaliga o le ata fa'amatala ua fa'aigoaina o le 'FREEMAN' i le faletifaga o le Apollo.


O lenei ata, e fa'atatau i tala'aga o se tama'ita'i afeleti a Ausetalia o Cathey Freeman, o le fa'amoemoe ina ia fa'aosofia ai lagona finau a fanau ta'a'alo a Samoa a'o lumana'i ai le ta'aloga a le Pasefika o le tausaga nei e talimalo ai Solomona i le masina o Novema.


O le tama'ita'i o Cathy sa pine 'auro i ta'aloga o le Olimipeka i le tausaga e 2000 i le 400 mita.

I le luasefulu tausaga ua mavae, o le ata lenei o le FREEMAN ua mafai ona fa'alauiloa ai le maualuga o le fa'amoemoe o lea tama'ita'i ma lona agaga fa'aletaga na afua ai ona 'ausia nei la'asaga.



Sa 'auai sui tamomo'e, itutino o ta'aloga fa'atasi ai ma le Minisita fou o Ta'aloga ia Laumatiamanu Ringo Purcell.

I le saunoaga a le Minsita, na ave ai le fa'amalosi i alo ma fanau o le atunuu ua tapena mo isi taumafaiga e pei fo'i ona iai le ta'aloga o le Pasefika i Saute ia Novema o le tausaga nei 2023.


Na fa'afetaia fo'i e le Minisita le lagolago fa'aauau a le malo tele o Ausetalia e tauala mai i le Ofisa o le Komesina Maualuga i Samoa, e pei ona iai ni isi o polokalame ua ave ai le fa'amuamua mo le atina'e o ta'aloga e pei o le Pacific Aus Sports ma le Team Up.



87 views

Comments


bottom of page