top of page

Fa’aosofiaga o le tusi ata na mafua ai na tusi le ata o Fiame Naomi Mata’afa.

Writer's picture: Vaai Nah FolasaVaai Nah Folasa

5 Setema 2022

E so’o se mea lava e iai lava ona mafuaaga ma ni fa’aosofiaga e mafua ai ona tupu.


Na talanoa atu le Bluwave TV i se tasi o alii talavou Tusiata i le aoga tusiata a Leulumoega ise tasi o ana galuega na ia tusia ma vali ina ai le ata o le tama’itai palemia o Samoa le afioga ia Fiame Naomi Mata’afa.


O le susuga ia Ameto o se tama talavou ua iai le taleni o le tusi ata, ina ua fesili atu iai le tatou ala ata, pe o lea se mafuaaga na fa’aosofia ai o ia e tusia le ata o Fiame Naomi Mata’afa.

Na ia fa’apea mai, na ala ona maua manatu e fia tusia le ata o Fiame, ona o lona manatu i le tala a Samoa, ‘E AU LE INA’ILAU A TAMA’ITA’I’ ma o le mafuaaga tonu lea na manatu ai e n ate fia tusiaina le ata o le palemia o le malo tuto’atasi o Samoa aemaise o Fiame o le Palemia tama’itai muamua lenei talu ona tutoatasi Samoa i le tausaga e 1962.



O le naunauta’iga foi o lenei talavou, ina ia maua sona avanoa e fia feiloa’i atu ai i le tama’itai palemia o Samoa.


O se tulaga e manatu le tatou ala ata, o tulaga faapenei e atagia ai le o’o lea i loto o tagata le tula’i mai ai o Fiame e avea ma Palemia aemaise ai lava o fanau talavou.


O ata ma vali e mafai ona fa’amatala mai ai ni lagona o se tagata soifua e le mafai ona tautala iai, e faapena ni lagona natia o lenei taule’ale’a ua ia fa’amatala mai ai lenei ata.


O lea ua fa’agasolo fa’afiafia o le 60 tausaga o Samoa ma o le vaiaso lenei e faamanatu ai foi faa’fiafiaga ma polokalame o le Teuila ae o lea ua fa’amanatu fa’atasi ma le tutoatasi o Samoa e pei ona iai lenei tausaga 2022.


2,953 views

Comments


smi_2.png
SMI-Logo-2024.jpg

Numera Samoa: +68525799

Numera NZ: +6421820594 fesili mo Maiava Leslie Wulf

O le tatou imeli: salesnz@smisamoa.ws

bottom of page