Fa'asalalauina i le Aso Gafua 12 Tesema tagata ua manuia i le se'i o le Quota.

8 Tesema 2022.

PC: NZHC Samoa Facebook.

O le aso ananafi le Aso Lulu 7 Tesema lea ua fa'ataunu'uina ai le se'i mo avanoa nofomau i le polokalame o le Quota a NZ mo tagata Pasefika e aofia ai ma Samoa.

O tagata uma o le'a fa'amanuiaina latou talosaga i le se'i lea ua fa'atinoina i le aso lenei, o lea maua ai le avanoa e talosaga ai loa mo avanoa nofomau i Niu Sila.

E 1, 650 le aofa'i o tagata o le'a mafai ona se'i ina mai lenei poloakalame o le Quota i lenei tausaga 2022, ma afai ae mae'a le se'i i le Aso Lulu 7 o Tesema 2022 o le 'a fa'asalalauina ai loa aloa'ia e le Ofisa o Femalagaina a Niu Sila e tauala mai i luga o le itulau po'o le Website a le pulega.

le tolu tausaga ao feagai ai le atunu'u ma aafiaga o le Koviti 19 o le tausaga lenei ua toe fa'aauauina ai lenei polokalame mo atumotu o le Pasefika e pei ona masani ai i le tele o tausaga ua tuanai ina ua maea na saini le maliega lenei i se vaega o le fa'apaga ma le feagaiga Fa'aleuo (TREATY OF FRIENDSHIP).