top of page

Fa’atautō ‘Ofisa Sili ma Fa’auluuluga a ni isi o Matāgaluega ma Fa’alāpotopotoga ‘a le mālō.

9 Novema 2022



O le taeao o le Aso Lulu 9 Novema 2022 na faia ai le sauniga o le fa’atautoga mo ni isi o Fa’auluuluga a ni isi o Matāgaluega a le Mālō sa filifilia i le tausaga ua te’a ma le tausaga lenei.


E to’a fitu fa’auluuluga a Matagaluega ma Fa’alapotopotoga a le Malo ma Fa’auluuluga o le Komisi o Tagata Faigaluega na fa’atautoina i luma o lana afioga i le Ao o le Mālō o Sāmoa ia Tuimaleali’ifano Va’aleto’a Sualauvi II ma Le Palemia o Sāmoa Hon Fiame Naomi Matā’afa.


O le afioga i le tama’ita’i Palemia na ia saunoa i le lauga autu o le aso, na ia fa’afetaia le sao o ni isi o tamali’i Samoa na tula’i mai i tofiga o le ta’ita’iga o ni isi o totino a le malo.


Sa ia fa’amanatu le taua o le galuega i le ta’ita’iina ma le tautuaina o le atunu’u, aemaise o le fa’amanatu i faiga masani i so’o se faigamalo; e sui lava faigamalo ae tumau lava faiga fa’avae ma ana tagata faigaluega.


O le agaga fa’afetai fo’i ma famanuiaga na momoli i sui ua filifilia e avea ma Ofisa Sili o Pulega i lenei taimi e ta’ita’ia ni isi Matagaluega aemasie o ni isi ua tofia e fa’auluulu iai ni isi o fa’alapotopotoga.


O nei tofiga e ta’itolu tausaga o le nofoa’iga ma toe fa’asalalauina.


Komisi o Galuega a le Mālō.

  1. Nonu Lemauga Sale’imoa Va’ai- Ta’ita’ifono

  2. Gatoloai Tilianamua Afamasaga

  3. Fonoti Perelini Perelini


Komiti Faufautua mo Totogi a tagata Faigaluega a le Mālō.

  1. Tuala Falani Chan Tung-Ta’ita’ifono

  2. Tuiloma Sina Retzlaff

  3. Mua’ausa Joseph Walter


Fa’auluuluga o Matāgaluega ma Fa’alāpotopotoga a le Mālō.

  1. Dr Mema Motusaga- Ofisa Sili o Pulega o le Matagaluega o Tina ma Tama’ita’i

  2. Fuimaono Dominic Fa’ato’ialemanu Schwalger-Ofisa Sili o Pulega o le Suavai

  3. Fui Tupa’i Mau Simanu- Ofisa Sili o Pulega o le Matagaluega o Galuega, Felaua’iga ma Atina’e Ese’ese.

  4. Leota Ali’ielua Salana- Ofisa Sili o Pulega o Fuainumera Fa’amauina.

  5. Pativaine Reita Petaia-Tevita- Ofisa Sili o Pulega o Tagata Tafafao Maimoa Mai.

  6. Saoleitiiti Maeva Natacha Betham-Va’ai- Ofisa Sili o Pulega o le Matagaluega o Tupe.

  7. Tanuvasa Petone Mauga- Komesina o Tine’imu ma Fa’alavelave Tutupu Fa’afuase’i.




136 views

Comments


bottom of page