top of page

Fa’atonuina e saofafa’i ma momoe ‘i le fola mālūlū o le malaeva’alele.

4 Oketopa 2022



E silia ma le 100 tagata o le pasese a le va'alele na malaga atu i Samoa, e aofia ai tagata matutua ma fanau laiti na fa’amalosia 'e le aufaigaluega ma sikulati a le Malaeva'alele i Aukilani Niu Sila e saofafa'i ma momoe i lalo o le fola malulu o le malaevaalele i le nofoaga fa'ae'e va'a i Aukilani ina ua faigata ona tausi le nonofo vavamamao i le mita e pei ona aiaia ai nei i se tulafono o le soifua maloloina.


O i latou nei na a'afia i nei faiga o tagata na malaga atu i Samoa nei i le vaveao ole Aso Sa e fa’amoemoe e fa'atali leisi va'a mo Ausetalia.


Na fa'aalia e ni isi o le atunuu i le Nusipepa o le New Zealand Herald, o se faiga le manuia nei faiga ina ua fa'atonuina i latou e tatau ona fa'atali i le fa’apaologa mo le isi tolu itula e fa'atali ai le malaga ese atu o le va'a i Ausetalia.


Ini ata ma vitio na fa'asoa ane e ni isi o le pasese o lea vaa i luga o le api o foliga, na va'aia ai le to'atele o tagata o lo’o saofafa'i ma tao'o'oto i le fola malulu o le malaeva'alele.


O le to'atele o le pasese nei o le mamalu o le atunuu na malaga mai i Samoa nei i le fonotele a Malua lea ua ta'ape i le vaiaso na tuana'i nei.


‘Ae mole silafia, o nei lava faiga e tupu lava i soo se malae va’alele ole ala fo’i lea e fausia ai lava e isi au faipisinisi potu malolo e totogi e pasese ma momoe ai ina ia fa’atali ai le isi va’a ile nofoaga e fa'amoemoe e aga’i iai.

O lenei fo’i tulaga e le na’o tagata ole atunu’u e a’afia ai, e so’o se isi lava e a’afia ai i nei faiga.




2,567 views

コメント


bottom of page