top of page

Fa'au'u le tikelī o Tulafono(B.A Law) a le Ofisa Sili o le Fa'amasinoga.

O le aso ananafi, na fa'auuina ai le susuga ia Papalii John Taimalelagi i le faailoga maualuga o le Tikelī i le mataupu o Tulāfono po'o matā'upu fa'a lōia mai i le Iunivesitē o Aukilagi Niu Sila.


O Papali'i o loo avea nei ma Ofisa Sili o pulega a le Matagaluega o Faamasinoga a Sāmoa.


E tusa ma le 4 tausaga sa ave ai pepa o le mataupu tau tulāfono a le susuga Papali'i ma o lea ua fa'auuina ai i lenei tausaga.


O agaga olioli i le Atua ma le faafetai na faaalia e Papalii i luga o upega o faamatalaga le facebook ina tau lau o lona faamoemoe.


Aemaise o lana faafetai i uō ma ona 'aiga mo le tapuaiga ua ae ai ma le manuia ana taumafaiga.


"Ua uma foi sia mea.

Viia Le Alii.

Faafetai i aiga, ekalesia, uo ma e masani mo le tapuaiga.

This is for you." Papāli'i John Taimalelagi i luga o le facebook.


O le faauuina ai o Papāli'i mai lenei faailoga i le mataupu tau i tulāfono, ua o se laasaga lelei ma talafeagai i lona tofiga faa Ofisa Sili o matāupu tau tulafono ma le faamasinoga mamalu a Samoa.


E iai le isi laasaga o loo totoe nei mo le susuga ia Papali'i, ona aloa'ia lea ma ali'i lōia.



2,466 views

Comentários


bottom of page