Fa'ilagi le folauga a Sika Anoa'i.

O le aso 25 o le masina lenei ua fa'amanava ai e le Atua galuega a le tama ia Sika Anoa'i ina ua o'o iai le valaau paia a le Atua.

O le aso ananafi Aso Lua o le aso 25 o le masina lenei o Iuni na fa'ailoa mai ai e nisi o le aiga o le tama ia Leati Sika Amituana'i Anoaʻi ua fa'ilagi le folauga a lea tamali'i ae ua 79 tausaga le matua o lona soifua.

O le tamali'i ia Sika Anoa'i ua silafia e le toatele i le ta'aloga o le pi'iga po'o le wrestling o ia o se Samoa ua leva ona ta'alo i lea ta'aloga i totonu o Amerika i tausaga e tele ma o le tuaa lea o se tasi o ali'i Samoa logologoa i le ta'aloga lava lenei o le pi'iga le ali'i o Roman Reing.

O le taimi mulimuli na vaaia ai le tino o le tama ia Sika Anoa'i i se ta'aloga pi'iga fa'apolofesa i le tausaga e 2020 ma o ia o se tasi o tagata ua tauoloa ma aloaia lona suafa i lalo o suafa o tagata lauiloa i lea ta'aloga (WWE HALL of FAME).