top of page

Faamuta sa'iliga a leoleo i le talavou 22 tausaga na tafea i le ta ga palolo.




E 22 tausaga le matua o se taule'ale'a na sa'ilia e le 'au maulu a le Matagaluega o Leoleo i le fa'ai'uga o le vaiaso na te'a nei, o se fa'alavelave na tula'i mai i le Aso Faraile, na o ai le ua leiloa ma ni isi o le nu'u o Poutasi i se paopao e ta palolo aepeita'i na ta e galu malolosi ma tafefea ai.


Na saili e leoleo, ma na maua mai le isi to'afa ae o le talavou 22 tausaga e lei mafai ona maua mai su'esu'ega a leoleo.


Ua fa'amaonia e le Komesina o leoleo ia Auapa'au Logoitino Filipo, ua taofia nei ma fa'amuta sa'iliga a le Ofisa o leoleo ae o lo'o tatala pea le avanoa mo so'o se isi e maua ni fa'amatalaga i le leiloa ai o lenei talavou.


O lo'o fautuaina pea e le Ofisa o leoleo le atunu'u aemaise o le 'aufaifaiva ina ia silasila lelei i le saogalemu ona o le fesuisuia'i mai pea o suiga o le tau aemaise o le suatai.



1,211 views

Comments


bottom of page