Fafo ma le ma'afala Aialani i le ipu o le lalolagi 2023.

Na mamatua faamaualuga le au numera tasi a le lalolagi ia Aialani, o le tausaga lenei e na te aveina ai le ipu o le taamilosaga o le Ipu o le lalolagi.

Aepeita'i, ua le manuia lenā miti, ina ua faatoilalo ai e le All Blacks a Niu Sila i le lā taaloga i le vaega o le pa'ū ma nofo(playoffs).

E le'i faigofie le ta'aloga lenei ona e taufai malolosi uma 'au nei e lua, peita'i na iloa lava le tūlaga e oo iai ina ua mavae nai minute amata o le afa muamua ae vaaia ai le malolosi o osofaiga a Ardie Savea ma lana 'au.

E tā le malologa o loo 18 Niu Sila i le 17 a Aialani, e fo'i mai i le faaauauina o le afa fa'aiu ua atili fafaga le malosi a le All Blacks ma manumālō ai i 'ai e 28 i le 24.

Ua mautinoa le avanoa o Niu Sila i le Semi Finals e ta'aalo ai ma Argentina lea sa manumālō mai i le taaloga ma Wales.

O le Aso Toonai 21 o le 'ā iloilo ai All Blacks ma le au lakapī a Argentina e saili se isi 'au e saili ai le siamupini i le ipu autū.

O le aso Gafua, ua faatulaga mai ai le taaloga a Fiti ma Enelagi ma le taaloga i le va o Aferika i Saute ma Farani.