top of page

Fai le iloiloga mo galuega fa'avaitaimi.

23 Ianuari 2023.



O lo'o tumau pea ona fa'apafala galuega fa'avaitaimi mo Samoa i le masina lenei o Ianuari a'o fa'agasolo ai pea galuega a le Komisi filifilia e latou te iloiloina ia faiga fa'avae mo le polokalame o galuega fa'avaitaimi.


I le saunoaga a le sui Palemia o Samoa ia Tuala Iosefo Ponifasio i le fa'ai'uga o le vaiaso ua te'a, na ia saunoa fa'amanino mafua'aga o le fa'apafala ai o nei polokalame mo se taimi e le tumau.


O le silasila a le malo, e tele ni isi o tulaga taua e ao ona toe teuteu i faiga fa'avae mo nei polokalame, i le maitau pea i le tele o mata'upu ua a'afia ai i latou i luga o lenei polokalame, o se tasi nei o popolega o lo'o feagai nei ma le malo ina ia vaoia ai le tula'i mai pea o ni isi o fa'afitauli i luga o polokalame nei mo galuega fa'avaitaimi.


O le isi lava vaega tele o lo'o silasila iai le malo, o le tulaga lea i avanoa ina ia fa'atumauina pea le maua e Samoa o nei avanoa mo alo ma fanau o Samoa e sa'ili manuia ai i Niu Sila po'o Ausetalia.


O le fa'amoemoe maualuga ina ia aua nei iai se tulaga e ono faigata ai ona toe talitonuina e nei atunu'u tagata Samoa e fa'afaigaluega i ni Pisinisi i totonu o latou atunu'u.


I le mae'a ai o le iloiloga lenei, ona toe lipoti lea i totonu o le Kapeneta e fai iai se fa'ai'uga talafeagai mo le toe teuteuina lea o faiga fa'avae o lenei Polokalame taua.


398 views

コメント


bottom of page