top of page

Faia'ina le Manumā Samoa i lana ta’aloga muamua ma le Junior Japan.

By Lauano Demetrius Ah Mau.

Photo credit to Vodafone Samoa.


E lei faigofie i le atunu’u aemaise ai o le ‘au a le Manuma Samoa ona talia le ulua’i taimi ua malolo ai i le ‘au a Iapani i lana ta’aloga muamua o le ta’amilosaga o le World Rugby Pacific Challenge i totonu o le malae ta’aalo fa’avaomalo o le Apia Park.


Sa iai le fa’amoemoega o le Manuma e tatau ona manumalo i lana ta’aloga muamua ma le ‘au a Iapani e le gata o se avanoa taua tele mo le tele o tama ta’aalo o lo latou taimi muamua lenei ua filifilia ai e ta’aalo mo le ta’amilosaga lenei.


O le to’atele o ali’i ua filifilia i le Manuma Samoa i lenei tausaga e mai i le ‘au under 20 po’o le Junior Manu Samoa lea sa ta’aalo i le ta’amilosaga i Niu Sila.


Na maea le afa muamua o le ta’aloga o lo’o ta’imua Iapani i ‘ai e 12 i le na’o 5 a le Manuma, peita’i o le afa mulimuli na vevela ai loa ma le ta’aalo a Iapani ma fa’atumauina le malosi e le gata i le mavana ae o le vave o le fa’atinoina o le ta’aloga. Na maea le ta’aloga ma manumalo ai Iapani i ‘ai e 48 i le na’o le 5 ai o le Manuma mai le sikoa i le afa muamua.


O le aso 15 o le masina lenei o Aperila le ta’aloga lona lua a le Manuma Samoa o le a ta’aalo ai ma le Toga A i le malae o le Apia Park i le itula e 4 i le afiafi, afai ae faiaina le Manuma Samoa i lana ta’aloga lea ua mautinoa ai loa le leai ose avanoa e agava’a ai i le sailiina o se siamupini

mo le World Rugby Pacific Challenge 2024.

159 views

Comentarios


bottom of page