top of page

Faimeaalofa se 'āiga Satupaitea i le laumua o le Iunivesitē Aoao o Samoa i Savaii.

O le vaiaso ua tuana'i, na taliaina ai e le Iunivesite Aoao o Samoa e tauala atu i le Fa'auluuluga ia Tuifuisaa Patila Amosa, se foa'i a le afioga ia Muāgututi'a Fealofani Asiata ma Toala Lia'ita o Vaegā Satupaitea, Savaii.


O le foa'i o le 10 Samsung Curbed HDMI Monitor 27-inch e aogā mo masini Komepiuta.


O le meaalofa na foa'i ma taauaao mai e le tama teine a le ulugalii e aumau i Brisbane, Ausetalia; i lana malaga mai i le tausaga ua te'a sa ia asia ai le laumua a le Iunivesite i Savaii ma ia silafia ai lenei manaoga mo fanau aoga.

O le afioga ia Muagututia Fealofani sa ia tuuina atu aloaia nei foai i le faauluuluga o le Iunivesite Aoao o Samoa, ma sa faafetai ma le agaga fiafia e Tuifuisaa lenei fesoasoani tele a le nei 'āiga, ma o le 'ā fesoasoani tele lea i fanau o Salafai.



Sa faaalia foi le agaga faafetai e le afioga ia Mulipila Lafaele o loo faauluulu ai le laumua i Savaii, ona o le agalelei tulai a lenei 'āiga o le 'ā maua ai se isi vaega tāua o aoaoga a fanau i le laumua.


O nei masini, ua o gatasi ai ma le talutalu fou o masini faaneionapō e pei foi ona faaaogaina e Iunivesite i Ausetalia.





451 views

Comments

Couldn’t Load Comments
It looks like there was a technical problem. Try reconnecting or refreshing the page.
bottom of page